「賈名媛」邱芷微下周五結婚 準新郎陳志忠突入院做手術昨報平安：感謝大家

37歲邱芷微憑TVB處境劇《愛．回家之開心速遞》飾演賈名媛成功入屋，邱芷微下周五（28號）與拍拖10年嘅陳志忠（Wilson）舉行婚禮，陳志忠喺2020年確診胃癌，邱芷微對另一半一直不離不棄，陪伴未婚夫走過抗癌路，婚禮舉行在即，近日傳出男方突然需要入院做手術，陳志忠噚日報平安稱因小腸移位而要做微創手術，於周三（19號）已出院。

「賈名媛」邱芷微下周五結婚。
陳志忠曾喺2020年患胃癌，開刀切除大半個胃及接受化療，由於化療副作用或影響生育機率，陳志忠選擇冷藏精子，為將來生B作準備。陳志忠早前情人節卻突然需要入院，接受手術治療，陳志忠日前喺社交平台上載吊鹽水嘅相片並留言：「真係世事難料，今日唔知聽日事，臨近big day倒數最後10日。我上星期五突然身體出現問題，需要立即入醫院，而且更做了一個小手術。」

37歲邱芷微憑TVB處境劇《愛．回家之開心速遞》飾演賈名媛成功入屋。
陳志忠感謝醫生及姑娘非常幫忙，流程非常迅速，入院第二日傍晚已立即做手術，準新郎好有信心喺婚禮當日以最好狀態與大家一齊慶祝，噚日陳志忠再次留言報平安：「這幾天很感謝各位朋友的關心。令大家擔心，嚇親大家，真係好對唔住。我因為有一條腸移位，所以做了一個微創的小手術，令器官復回原位。我昨天星期三早上已經出院。請各位朋友放心，我很快康復。謝謝連日來各位朋友及傳媒的關心。很感謝大家。」圈中人黃智賢及徐榮等亦有畀Like為佢打氣。

噚日陳志忠再次留言報平安，表示自己已出院。