正義女神丨佘詩曼深圳煞科宴被花絮感動哽咽 陳煒眼濕濕大讚新晉演員演技

律政劇《正義女神》喺內地嘅戲份煞科，總監製鍾澍佳率領佘詩曼、陳煒、譚耀文、周嘉洛、蔣祖曼、馬貫東、戴祖儀及一眾年輕演員及台前幕後出席深圳煞科慶功宴，席間仲播放咗一段劇集花絮畀大家先睹為快，阿佘同煒哥更加係睇到眼濕濕。
《正義女神》內地嘅戲份早前煞科。
阿佘喺台上分享感受時，更一度激動到講唔出說話，阿佘話接拍之前，因為考慮將要開拍《新聞女王2》怕演得唔好，又擔心冇時間籌備《新聞女王2》，跟住佢跟佳導講其實呢部劇自己係配角，因為主角係一眾年輕演員，因為佢哋演得唔好，呢部劇就會拖垮，由開拍至睇到花絮片，佢覺得大家都演得好好，亦係大家先能夠成就呢部劇。
眾人一齊睇花絮片。
首次參演律政劇嘅阿佘，再次有機會跟阿譚合作，兼且飾演夫妻，阿譚對阿佘嘅演技有讚無彈，仲話拍檔完美駕馭法官一角，喺法庭嗰種堅強感覺，又有別於之前《新聞女王》嘅感覺。而劇中飾演兩人囡囡就係年僅21歲嘅樂珈嘉，佢仲要應付多場喊戲，阿佘話見到囡囡都覺得心痛，因為演喊戲好攰，珈嘉直認角色係好難演，阿譚話開拍首日，阿佘已畀貼士呢位囡囡。
陳煒睇睇下忍唔住落淚。阿佘都睇到眼濕濕。
飾演律師嘅煒哥喺劇中要面對不同挑戰，除咗要背好多對白，仲要應付不少內心戲，尤其要面對跟劉倬昕母子間嘅關係，因為工作繁忙嘅佢冇時間陪兒子，只能喺物質上滿足佢。煒哥覺得佢哋嘅劇情係好發人深省，呼籲記得收睇，對家庭好有得着。

周嘉洛
譚耀文 佘詩曼 鍾澍佳 陳煒
佳導今次大膽起用唔少新晉演員，開拍前更特別花時間跟大家排戲，等大家放膽去演，而呢班新演員嘅表現，令佳導喜出望外，當中劉倬昕要反串演男仔角色，佢事前先跟對溝通，了解完對方內心世界先去寫呢個角色。佳導亦大讚一眾年輕演員，完全唔怕辛苦，好願意去嘗試做一啲能力以外嘅事。