胡宇威領軍第二季真人騷夜市開檔 禾浩辰被追問係咪鬼鬼女兒經手人

胡宇威、禾浩辰、蔡凡熙、蔡昌憲、苗可麗等，呢日喺台灣出席一個真人騷節目記招。禾浩辰前女友鬼鬼 吳映潔 一月時自爆未婚懷孕生B震驚台灣娛樂圈，由於鬼鬼未透露BB生父身份，所以唔少人都猜測鬼鬼上一任緋聞男友禾浩辰有可能會係生父。

禾浩辰被傳媒追問前緋聞女友鬼鬼嘅經手人問題，尷尬到唔知點答
呢日禾浩辰直接否認，更被拍檔苗可麗取笑佢「射程好遠」，暗示兩人傳咗分手多時依然有被傳做爸爸。而被問有冇八卦BB生父誰屬時，禾浩辰更即時硬晒軚，全靠拍檔幫忙解圍。
鬼鬼一直未有公開BB嘅生父身份

新節目以明星喺夜巿擺攤做生意為主題，嚟到第二季，胡宇威亦升呢做大師兄，佢更非常滿意一班師弟嘅表現。而禾浩辰被封蝦碌王，經常喺一啲出乎意料嘅情況下出錯。
胡宇威再次出演節目新一輯

宇威有過第一季經驗，照計都會喺呢輯表現得更得心應手，但佢就唔係咁覺得，仲話今季難度增加，比上季辛苦。