博愛歡樂傳萬家丨冼靖峰孖涂毓麟合唱行善 老友鬼鬼期待再推合唱歌

冼靖峰（Archie）同涂毓麟（Oscar）將於聽晚（8號）嘅慈善節目《博愛歡樂傳萬家》，一齊獻唱經典歌曲《獅子山下》送暖，務求籌得更多善款。二人平時都會身體力行做善事，Archie就試過同粉絲處理廚餘及賣旗，Oscar就未試過同粉絲一齊做善事，佢希望將來有機會。
冼靖峰
Archie同Oscar在公在私都好老友，同樣亦鍾意創作，而佢哋對上一次有合唱歌已經係三年前嘅事，佢哋都希望三年之後再有機會出歌，睇吓彼此有冇進步，而Oscar話現今科技發達，佢哋唔使見面都可以一齊寫歌，解釋唔係唔想見到Archie，而係習慣獨處空間去創作。
涂毓麟