顏米羔44歲生日獲粉絲陪慶祝 陳譽文爆壽星長期鬱鬱不歡憂其心靈健康

《中聲2》唱將顏米羔呢日相約一大班米粉（粉絲暱稱）喺戶外場地慶祝44歲生日，兼同一月至三月嘅米粉一齊慶祝，獲中聲戰友陳譽文、甘永傑、王嘉明、梁浩賢及梁思傑到場支持，大家喺一個好chill嘅環境下，享受呢個大型生日派對。

《中聲2》唱將顏米羔呢日相約一大班米粉喺戶外場地慶祝44歲生日。
米羔呢日著上後援會全新嘅牛仔褸，多謝米粉們一路支持，佢希望年年都見到大家，仲話睇吓有冇機會同米粉坐飛機慶祝生日，更即場獻唱答謝米粉。

中聲戰友陳譽文、甘永傑、王嘉明、梁浩賢及梁思傑到場支持。
米羔喺生日派對上，宣布自己喺工作上嘅新動向，佢嘅電影執導項目好快正式開拍，最近終於收到撥款，米羔預告有公開面試，叫大家嚟casting一啲角色。米羔今年有機會出新歌，預告跳唱操練6嚿腹肌，今年主力做創作及電影，之後就係休息同做gym操肌。

米羔呢日著上後援會全新嘅牛仔褸，多謝米粉們一路支持。
一班中聲戰友上台為米羔送上祝福，對米羔身心靈健康份外緊張，陳譽文希望米羔開心啲，成日畀人感覺好鬱鬱不歡，話米羔讓人感覺有啲憂鬱及抑鬱，甘永傑爆米羔舊年成日生病，覺得最重要係身體健康，而王嘉明話佢工作忙，應該搵一個人嚟照顧米羔。

米羔喺生日派對上，宣布自己喺工作上嘅新動向，佢嘅電影執導項目好快正式開拍。