獲老婆孫穎悉心準備86歲生日 劉詩昆即場為女兒伴奏《APT》

國寶級鋼琴大師劉詩昆於8號迎來86歲生日，老婆孫穎為其舉辦一場藝術表演慶祝。劉詩昆致歡迎辭時，感謝太太為佢花心思準備呢次慶祝活動，笑言自己反而冇準備太多，又指呢日佢兩個小朋友都係小主角。
 國寶級鋼琴大師劉詩昆太太孫穎為劉詩昆籌備咗一場藝術演出嚟慶祝生日。
音樂會上除咗有一班本地同澳門小朋友表演「鋼琴接力賽」、聲樂表演外，仲邀請到昆曲名家趙津羽表演《牡丹亭•遊園》、日本藝術家奥津健太郎與奥津健一郎表演日本傳統藝能狂言《東渡》、孫穎同爸爸孫傑以二胡及鋼琴合奏《小城故事》與《賽馬》兩曲。
昆曲名家趙津羽表演《牡丹亭•遊園》日本藝術家奥津健太郎與奥津健一郎
一眾小朋友更為壽星劉詩昆接力彈奏生日歌，而女兒劉蓓蓓（貝貝）則帶領眾小夥伴大跳洗腦神曲《APT》，當劉詩昆見到一眾小朋友跳得咁開心，都忍住住上前以鋼琴伴奏。
 孫穎同爸爸孫傑以二胡及鋼琴合奏《小城故事》與《賽馬》兩曲。
另外，音樂會中加插咗一個名為「從星座與心理學看人生」環節，原來孫穎對星座甚有研究，呢次佢就請嚟一位心理學家，從星座與心理學嘅角度探討性格與兩性關係，當講到另一半時，孫穎更指自己同老公劉詩昆係前世奇緣，今生使命。
劉詩昆同女兒劉蓓蓓