獨家｜新片宣傳為葉童謝君豪慶生 電車勾回憶放慢腳步好好喘息

葉童 謝君豪 許月湘 同 黃定謙 主演嘅新片，呢日舉行電車宣傳，亦順道為當日踏入62歲嘅女主角葉童、仲有月底生日嘅謝君豪一齊慶祝。過往一向趁生日放假嘅葉童，今年就破例為新片宣傳，佢仲語帶相關話希望同片中嘅家人都「齊齊整整、開開心心」咁話。

葉童同謝君豪獲一眾同事慶祝生日
呢日於電車上宣傳，亦勾起佢哋過往搭叮叮嘅回憶，當年專注戲劇舞台演出嘅謝君豪，就話經常都會乘搭，而CC亦對電車相對慢節奏嘅速度非常享受，可以趁機放鬆咁話。除咗係交通工具之外，CC仲話試過拍拖搭叮叮，又認為喺車廂拍攝影相亦係一大樂事，點影都靚咁話。

佢哋仲對香港獨特嘅電車呢種交通工具有唔少回憶