Gin Lee簽唱會變成點唱迷你騷 期望明年初再踏紅館開騷

Gin Lee李幸倪 為新推出嘅專輯舉行簽唱會，獲數百Fans到場支持，除咗獻唱新歌，佢仲即場問大家意見改歌單，甚至喺台上唱到台下，將簽唱會變成迷你音樂會。

Gin Lee呢日舉行簽唱會，大批Fans踴躍到場支持

而一眾歌迷亦為Gin Lee送上驚喜，有人化身偶像愛貓杏仁糊上台，事前完全唔知情嘅Gin Lee非常感動，佢仲話估唔到簽唱會可以見到杏仁糊公仔上台。
Fans仲驚喜為佢扮成愛貓，氹得佢非常開心

新專輯中嘗試咗唔少新造型嘅Gin Lee，又話封面嘅造型係入行十幾年都未試過，佢話希望未來可以再嘗試更多新嘢，更話最快會喺兩個月後推出一首好期待嘅新歌。更透露經已入紙排期紅館開騷，希望明年初可以成功。

佢又指已入紙申請檔期，希望明年有機會再踏上紅館舞台