模仿人生｜靚靚回歸TVB三后惡鬥交纏 演員陣容強大正式煞科

金像影后 袁詠儀  時隔16年，繼2009年嘅《富貴門》後再次參與演出嘅TVB新劇《模仿人生》正式煞科，據指仲會同參與演出嘅視后 江美儀 惡鬥，而起因就係因為被陷害嘅新科大馬視后 張曦雯 。

再次拍攝TVB劇集嘅靚靚、加上江美儀同張曦雯三后合作
三后同場，相信一定火花十足，而Kelly就喺網上分享今次拍攝嘅一點一滴喇，好似有同靚靚美儀嘅合照，仲有化妝時補眠，同埋拍攝空檔狂擦唔同美食嘅小片段。
Kelly分享唔少拍攝時嘅花絮

邊扮靚邊爭取時間食飽上陣

新劇除咗女角陣容龐大之外，男演員一樣強勁，好似關禮傑、今晚推出新劇《奪命提示》嘅雙料視帝 張振朗 等都有參與，加上盛傳被靚靚「點名」加入嘅 羅子溢 同 陳自瑤 等，相信新作一定戲味十足，火花連場呀。

關禮傑

陳自瑤

羅子溢

雙料視帝張振朗

陳楨怡