奪命提示‧獨家花絮│張振朗演賤格前度施展狼吻 劉穎鏇慘被誤傷大髀咬唇還擊

TVB新劇《奪命提示》一開播睇到大量精彩打鬥場面，劉穎鏇（Tiffany）性感破格演出令觀眾眼前一亮，佢喺劇中同張振朗嘅關係更充滿激情。

振朗飾演拋棄Tiffany嘅前度，呢幕相遇嘅場口，Tiffany要畀振朗強吻。

myTV SUPER全天候收睇《奪命提示》

為咗還擊振朗賤格表現，Tiffany要咬爆振朗下唇還擊。
振朗飾演拋棄Tiffany嘅前度，呢幕相遇嘅場口，Tiffany要畀振朗強吻，令觀眾睇得咬牙切齒，為咗還擊振朗賤格表現，Tiffany要咬爆振朗下唇還擊，為咗逼真又安全地拍攝時呢一幕，監製文偉鴻畀咗好多意見。肉緊嘅振朗更誤傷對方大髀，女神玉腿瘀咗一大塊，好彩振朗即大讚Tiffany「皮薄餡靚」哄拍檔開心。 肉緊嘅振朗更誤傷對方大髀，女神玉腿瘀咗一大塊。
呢集另一看點就係振朗同Tiffany不約而同追捕陳少邦，期間展開咗一場激烈嘅槍戰，三位又開真槍、又施展拳腳打到七彩，振朗為咗拍呢套劇，事前仲專登去咗泰國試吓開真槍嘅感受，振朗坦言運用真槍拍攝演員更容易入戲。振朗見到拍檔Tiffany打扮性感地完成多場動作戲份，又要喺地碌來碌去，振朗都話為之佩服。

呢集另一看點就係振朗同Tiffany不約而同追捕陳少邦，期間展開咗一場激烈嘅槍戰。