煒哥婚後即復工宣傳 聞老公「50+1」論甜入心

26號先正式同陳國強醫生結婚嘅陳煒，完成婚宴之後隨即就現身劇集《黯夜守護者》嘅宣傳工作，雖然未有足夠休息，不過新婚嘅煒哥就神采飛揚，仲有大批影迷又送花又送蛋糕祝賀佢之餘又希望佢問鼎今年視后呀。

今日人人見到煒哥都改口叫佢陳太，呢日煒哥就話聽到非常開心喇，不過講到點解唔放吓假二人世界，佢就話劇集踏入結局周要好好幫手宣傳埋佢先喎。

請返婚宴場面，煒哥就話要多謝各位賓客嘅祝福喇，佢仲話老公陳醫生嘅告白令自己甜入心呀。甜入心就係因為煒哥早前先喺我哋環節《星光路上》話希望婚後感情50年不變，而陳醫生就公開話要愛佢50年加一日，呼應自己，真係冧到暈，呢日煒哥就連講返都眼冢淚光呀。

傳送門： https://youtu.be/sm8t8VbnRjY