炎明熹喜獲麥皮蟲做禮物即場把玩 與Gi炎粉遊電車河勁興奮

Gigi炎明熹順利舉行首場個人演唱會，一班Gi炎粉為咗慶祝偶像夢想成真，特意舉行電車派對，出動兩架不同主題嘅應援電車，一架印有Gigi新歌MV靚相嘅主題電車，而另一架根據MV內出現過場景而重新佈置嘅派對電車。
 
今次由fans club一手一腳安排，想Gigi與Gi炎粉相聚一下，佢想搞音樂會，又想下次搞打邊爐聚會咁，呢日Gigi同Gi炎粉浩浩蕩蕩展開佢哋電車之行，兩架應援電車載住Gigi與粉絲由西環屈地街電車廠出發，到達銅鑼灣後再折返西港城，沿途不斷有粉絲向站喺電車上嘅Gigi揮手，期間更有路過外國旅客加入，場面十分熱鬧。
 
Gigi本身好鍾意坐電車，穿梭鬧市惹來途人目光，Gigi有跟路人打招呼，Gigi更與粉絲喺車上食嘢同玩遊戲，Gigi喜獲fans送上麥皮蟲，佢對麥皮蟲情有獨鍾；早前Gigi演唱會因颱風襲港被迫延期，個唱要等明年先可以補場，雖然有啲美中不足，但係Gigi好開心喺演唱會跳唱獲得讚賞，年底又係歌手出成績表嘅時間，而Gigi視樂壇獎項為推動力，覺得有fans支持都好緊要。