劉松仁悼念舊愛李影「不是三月中有約嗎」 曾相戀七年因脾氣而分開

70歲前麗的藝員李影於周日（25號）傳出喺加拿大離世，大女沈穎婷發文指與妹妹趕回加拿大見亡母最後一面，劉松仁曾與李影拍拖7年，劉松仁有喺微博貼文哀悼舊愛。
劉松仁曾與李影相戀多年，分手後一直維持好友關係。

劉松仁曾與李影相戀多年，分手後一直維持好友關係，李影返港亦會約松哥見面食飯，松哥於噚日貼出與李影對話截圖，松哥早前跟李影拜年，李影當時稱剛回加拿大好凍，佢3月中回港再約埋松哥一齊探望仙姐白雪仙，松哥回覆「又走了」。松哥不捨寫道「我們不是三月中有約嗎？怎麼真的走了」，冇諗過李影一走就係永別。
松哥於噚日貼出與李影對話截圖，松哥早前跟李影拜年，李影當時稱剛回加拿大好凍，佢3月中回港再約埋松哥一齊探望仙姐白雪仙，松哥回覆「又走了」。

資深演員李影當年備受力捧，主演過不少劇集，當中與劉松仁嘅七年情令觀眾印象深刻。李影曾喺港台訪問節目《一起走過》講過以往感情事，李影稱拍《巨星》時被林嘉華追求，二人多年仍然係好朋友，「唔通要做仇人？大家做同事一齊好玩，追唔一定要好佔有你嗰種，啱唔啱先」，李影更開名講舊愛劉松仁，指「最行得耐就係佢」，佢認為二人有少少係因了解而分開，當年大家又細個，「大家嘅脾氣、大家做嘢忙」，最終決定分開，後來李影好快結咗婚，又好快離婚，而李影前夫於幾年前離世。