【公屋/上樓/海景/愛東邨】一名男網民早前在Facebook群組「公屋討論區」中發帖,表示一家5口輪候市區公屋8年半,終在最近獲首派筲箕灣愛東邨一個和諧式單位。
事主形容單位向北,面積約450呎,月租4,525元,單位更可看到海景,直言非常滿意,馬上接受配房,「等咗8年半,終於畢業了,首派即要,連阿仔都好滿意通屋走,又近地鐵,我都好滿意、好開心。祝未『上樓』朋友早日派心水靚樓;祝已『上樓』朋友安居樂業」。
(Facebook圖片)
(Facebook圖片)
(Facebook圖片)
(Facebook圖片)
(Facebook圖片)
事主指前戶主已鋪好地磚,令他得以節省裝修費用,「房署話上手keep得好的話,環保前題下,所以唔清走,我又慳番筆」。他又透露前戶主的背景和搬走原因,「對面話上手已經交雙倍租金,所以抽居屋搬走」。
網民:人生贏家
帖文曝光後,有網民估計是愛平樓單位,紛紛恭喜事主,「和諧式兩房好正!仲要海景,恭喜晒,人生大贏家!」、「咁好有埋地磚」、「嘉亨灣管理費住嘉亨灣,恭喜」、「恭喜晒,真係好正,祝你住得開心」、「恭喜你,呢度係一個福地,祝小朋友健康快樂成長」、「恭喜你,人生勝利組,一派可以咁完美」。
【延伸閱讀】