「舞台王者」郭富城相隔八年再開紅館演唱會,而今年亦係城城首次舉辦紅館演唱會嘅30周年,所以為個唱更添意義。城城呢日以一身黑皮褸、黑超、金髮造型現身演唱會記招,更宣布加開三場,一共開十三場演唱會。城城過去八次開紅館騷嘅舞台設計同視覺效果都締造過無數經典,呢次再重回紅館亦對城城意義重大,因為係佢組織家庭、成為人父後首次再開紅館騷,所以喺編排歌單,細睇歌詞時都會好感觸。向來寵粉嘅城城亦預告會實現歌迷點歌願望,喺收集到嘅點歌清單之中揀歌,滿足大家嘅願望。而城城呢日亦知道有唔少歌迷為佢遠道而嚟,所以佢都有邀請粉絲們上台大合照。
演唱會主題曲呢日亦喺記招首度曝光,城城透露請到美國舞蹈天團嘅兩位創始人幫手,成為佢今次個唱嘅排舞老師。城城期待呢次可以突破自己,挑戰體能極限,帶俾歌迷更好體驗,佢亦會受同舞蹈總監Sunny一齊編排一啲歌曲。
雖然今次係兩個寶貝女出世後再開紅館騷,不過城城就話唔會有父女同台演出嘅畫面出現,因為自己每次演出都有章節編排好,唔可以突然介紹小朋友上台,不過城城笑言,囡囡們可以喺台下跟住一齊跳。對舞台投入百分之二百認真嘅城城,喺投入籌備演唱會時都會少咗時間同兩個囡相處,佢就話已經同小朋友講惦數,雖然會掛住小朋友,但佢亦希望兩個囡囡可以見到爸爸嘅認真,學習到佢嘅精神。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)