姚焯菲越洋錄《愛．回家》主題曲 認忠實Fans自薦客串演表妹

《愛‧回家之開心速遞》新主題曲《這個家》，耳利嘅粉絲係咪一聽就發現主唱呢首歌嘅，就係擁有甜美聲線嘅 姚焯菲 喇。Chantel喺唱呢首歌時，仲喺新西蘭返緊學，所以要越洋同歌曲監製張家誠錄音，Chantel話自己係《愛‧回家》嘅忠粉，更係由細睇到大，所以有機會唱到主題曲，佢都覺得好開心，而張家誠亦都大讚Chantel唔單止叻女，仲準備充足，所以錄音過程可以話係快靚正，絕對係超額完成。

而家就有份唱《愛‧回家》主題曲，Chantel話下一個目標，係希望可以客串演出，佢話自己特別鍾情金城安呢個角色，特別係佢同媽媽熊尚善之間嘅互動，就令佢印象深刻，Chantel仲自薦話可以試做下表妹嘅角色，張家誠都話好期待睇到Chantel嘅演出呀。