StarTalk一氣呵成版丨王菀之不敢觸碰心底不快回憶 只會回顧短期內生活中開心事

相隔9年再為當紅動畫人物「阿愁」配音嘅 王菀之 作客《StarTalk》接受主播 王鎮泉 嘅訪問，Ivana話朝早啱啱起身把聲就最似「阿愁」，佢都話當初好擔心配唔返「阿愁」嘅聲線，好彩有專業配音員幫助，加上一直對呢個角色印象好深刻，只要睇番啲畫面就好有感覺。

而現實生活中，Ivana嘅性格都好似「阿愁」，除咗情緒變化大同時，又會突然好焦慮，同埋自細都會靜靜去報名參加比賽挑戰自己，獲獎又會收埋唔畀人知，佢覺得自己可以喺表現中釋放情緒，而緊張心情亦只限喺上台前一刻，因為一踏上舞台就好享受。

成長中一直會累積唔少記憶，當中有開心同唔開心，Ivana就話自己唔會去觸碰深層唔開心嘅回憶，不過唔知會否不經意喺一啲作品流露咗出嚟，佢話自己只會回顧一啲近期開心嘅事，而漸漸成長後，佢話回憶當中亦唔會有太多唔開心嘅事。