張敬軒登殿堂級場地展美加巡迴 見外籍人士識唱《餘震》似新奇大發現：好犀利呀！

張敬軒美加巡迴演唱會日前喺美國拉斯維加斯展開首站，而呢次演出場地係位於拉斯維加斯一個場地，過往唔少國家級歌手Celine Dion、Adele等喺呢個場演唱，而場地更多年未邀請華人歌手做演出，呢次亦係繼去年倫敦三場、澳門十四場後，軒仔嘅第十八場演出。
 
張敬軒美加巡迴演唱會日前喺美國拉斯維加斯展開首站，而呢次演出場地係位於拉斯維加斯一個場地，過往唔少國家級歌手Celine Dion、Adele等喺呢個場演唱。

雖然軒仔開騷撞正各地機場因系統軟件而全面大癱瘓，各地歌迷依然排除萬難到場睇show，令軒仔十分感謝大家奔赴千里嚟捧場：「有啲要飛廿幾個鐘、有啲飛咗去某個地方，然後要坐十個鐘頭車到，各式其適以唔同嘅方法抵達演唱會場地，好彩大家都可以齊齊整整嚟到。」當晚演唱會歌單除咗新歌《青春告別式》，亦有不少軒仔代表作變成「大合唱環節」。

雖然軒仔開騷撞正各地機場因系統軟件而全面大癱瘓，各地歌迷依然排除萬難到場睇show。

唱完《餘震》後，軒仔興奮同歌迷分享佢嘅「大發現」：「我喺台度，好多朋友同我一齊唱呢首歌，突然之間見到呢位外籍女士，佢識唱《餘震》呀！佢真係好犀利！突然間令到我覺得自己好似一個外國明星，好犀利呀！我第一次見到有外籍人士唱我啲歌，除咗我『遮遮』之外。好神奇！」

不少軒仔代表作變成「大合唱環節」。

喺落台握手環節前，軒仔語重深長叫歌迷要冷靜啲，原來上年新加坡站留下陰影：「上次我哋喺新加坡，因為大家太熱情已經撞跌我支咪，我支咪特登send去德國整，整咗我兩隻勞力士嘅價錢，希望陣間大家唔錫住我唔緊要，一定要錫住我支咪，知唔知？」
 
落台握手環節前，軒仔語重深長叫歌迷要冷靜啲，原來上年新加坡站留下陰影。

向來寵粉嘅軒仔，呢次亦帶咗T恤送畀歌迷，將T恤拋向觀眾，期間歌迷大叫「拋埋軒仔」，於是美國友人立即抱起軒仔作狀拋出，不過軒仔有安全喺台上着陸，軒仔話：「嘩！嚇死我呀！你哋知唔知我咁大個仔第一次畀人抱起。」