巴黎奧運進行如火如荼,全城掀起運動熱潮,作為籃球迷嘅張繼聰雖然未能成為職業球員,但係佢不時運用藝人嘅身份支持籃球界,好似佢受邀擔任「2024中國香港國際籃球邀請賽」活動大使,雖然阿聰目前身在大馬拍攝新片,但係依然心繫香港運動員喺奧運嘅表現,尤其係江旻憓同張家朗奮力反敗為勝,為香港奪得兩面金牌,充分體現香港精神,阿聰感到非常高興及自豪。阿聰目前身在大馬拍攝新片,但係依然心繫香港運動員喺奧運嘅表現,尤其係江旻憓同張家朗奮力反敗為勝。
邀請賽喺9月一連三日舉行,阿聰亦會帶神秘嘉賓隊伍一同參戰露兩手,佢好期待親身欣賞各地高手獻技:「平時未必有機會看到他們比賽,所以我特別興奮,例如中國有CBA吉林虎,韓國聯賽冠軍,香港甲一球隊更係我一直以來最關注,過去睇過唔少次甲一比賽。今次真係好想睇下,究竟香港球隊嘅水準會係點。」邀請賽喺9月一連三日舉行,阿聰亦會帶神秘嘉賓隊伍一同參戰露兩手,佢好期待親身欣賞各地高手獻技。
阿聰透露活動設有香港學生同海外球隊交流,佢覺得依家嘅小朋友要學運動資源上都多咗好多,佢當年只能喺街上打籃球,冇咩正規訓練,當年迷上Michael Jordan,雖然學唔到偶像嘅球技,只能模倣衣著同球鞋,所以細過時不停儲錢為咗買波鞋。阿聰亦分享難忘嘅球場戰績:「我好細個就參加籃球比賽,直至三十幾歲仲打緊波,十幾年前仍然參加一些業餘比賽,所以籃球比賽對我來說全部都係快樂回憶,而最經典的一次受傷經歷,就係咬斷舌頭去醫院縫針,回想起來都係一些青春印記。」阿聰兒子張瞻同樣鍾意打籃球,難得香港有國際籃球賽,兩父子都會一齊欣賞。
阿聰透露活動設有香港學生同海外球隊交流,佢覺得依家嘅小朋友要學運動資源上都多咗好多,佢當年只能喺街上打籃球,冇咩正規訓練。