鍾嘉欣廣州開騷慶入行廿年 因好友拉大隊捧場感動爆喊

鍾嘉欣嘅廣州演唱會圓滿落幕，呢個騷係慶祝嘉欣入行20周年，一開賣就即刻秒殺。雖然距離上次開騷已係十年前嘅事，嘉欣亦已經成為三位小朋友嘅媽咪，但喺歌迷心中，佢永遠都係大家嘅「嘉欣BB」。

嘉欣呢晚亦狀態大勇，換上多套靚靚歌衫又大騷長腿，更一共唱咗21首歌。

嘉欣呢晚亦狀態大勇，換上多套靚靚歌衫又大騷長腿，更一共唱咗21首歌，包括《好好珍惜自己》、《一顆不變心》、《其實我不快樂》，勾起大家嘅童年回憶。嘉欣覺得呢場騷同一場夢一樣，由籌備到開完，每個過程都係好珍貴亦好感動。為咗令大家睇得開心，嘉欣更苦練舞功，喺呢晚連番跳唱盡顯誠意。
 
好朋友黎諾懿及太太李潔瑩，仲有好姊妹岑麗香、李亞男、苟芸慧、王君馨亦拉大隊捧場。

除咗粉絲熱情支持外，佢嘅好朋友黎諾懿及太太李潔瑩，仲有好姊妹岑麗香、李亞男、苟芸慧、王君馨亦拉大隊捧場，令嘉欣驚喜得感動落淚，而佢亦好滿意自己嘅表現，希望大家睇完個騷帶滿滿快樂返屋企。
 
嘉欣驚喜得感動落淚，而佢亦好滿意自己嘅表現。

雖然嘉欣嘅老公同小朋友未有現身睇騷，但佢哋好支持嘉欣開騷同繼續事業，嘉欣亦對自己口誤嘅「全面復出」作澄清，事關佢冇正式退出過！