中年好聲音3｜香港再度海選兩日逾過千人面試 追夢不乏催淚感人勵志經歷

由於《中年好聲音3》報名湧躍，香港區再度展開海選招募，連續喺8月12、13號舉行，吸引過千人入電視城面試，每個參賽者各有特色，大家非常落力傾情演出，為夢想不遺餘力。其中亦有嚟自外地嘅參賽者，就好似特地由雲南而嚟金凱，從小熱愛香港流行曲嘅佢對於有機會一展歌喉而感到興奮，亦期望大家喺佢歌聲中搵到共鳴。
 
由於《中年好聲音3》報名湧躍，香港區再度展開海選招募，連續喺8月12、13號舉行，吸引過千人入電視城面試。

而前樂隊Ever成員何家豪嘅參賽原因就令人為之心酸，皆因佢嘅8歲囡囡突然急病離世，佢參賽時自彈自唱嘅結他，就係年初時送俾囡囡嘅禮物。所以家豪好想代替囡囡企喺舞台表演，喺演唱《抱擁這分鐘》時，家豪唱得入肉，作為評審嘅肥媽都眼濕濕。家豪事後表示，相信囡囡喺天上睇到佢嘅表演，雙眼都會發光，佢亦期待往後如果順利進入下個階段，都可以繼續拎住呢支結他彈落去。

前樂前樂隊Ever成員何家豪嘅參賽原因就令人為之心酸，皆因佢嘅8歲囡囡突然急病離世。

呢次參賽者中亦不乏大家熟悉嘅面孔，包括可嵐、前男團Square成員趙浚承以及模特兒出身，做過譚嘉儀MV男主角嘅李創偉。可嵐笑言自己前兩屆都因為懷孕原因而錯過，今次終於可以把握機會；曾經參加過《亞洲星光大道》嘅李創偉當時喺節目成績不俗，不過當年比賽就係以跳舞為主；趙浚承就受龍婷、鄭梓浩鼓勵而參賽。
 
金凱從雲南來港參加面試，佢由細熱愛香港流行曲。可嵐因懷孕未能參加前兩季，今次參加《中聲3》海選。

一眾中聲師兄師姐除咗推介朋友參賽，更推介家人報名，好似中聲1嘅李泇霖老公黃文漢，同中聲家族好熟嘅何婉盈都有推薦哥哥何澤舜參加。兩位由觀眾變參賽者，心情都好激動，黃文漢就自評表現70分，而何澤舜就收到妹妹暖心俾貼士。另外《聲夢傳奇》蔡愷穎嘅爸爸蔡堅偉亦係參賽者之一，蔡爸爸就分享參賽原因，想透過自己鼓勵二女同細仔參加《聲夢傳奇3》
 
趙浚承以組合Square出道，至2011年宣佈解散，今次盼再續歌手夢。

雖然話係中年人士嘅比賽，但唔少參加者保養得宜，由英國回流嘅參賽者任永健睇落靚靚仔仔，但原來佢係鼻咽癌康復者。講到當時情況，任永健就話自己發現患癌時已經係第三四期，不過發現得早，而佢希望借自己參賽鼓勵小朋友要勇敢追夢。
李泇霖丈夫受太太鼓勵參加。