2024香港小姐競選｜15佳麗首以泳裝見傳媒 迷人身段現身下月逐后冠

9月15號就會舉行決賽嘅《2024香港小姐競選》，15位佳麗早前分批到唔同地方拍攝外景，亦接受過唔同訓練之後，呢日一齊以泳裝公開同傳媒會見，展示佢哋嘅自信美。

9月15號就會舉行決賽嘅《2024香港小姐競選》，呢日一齊以泳裝公開同傳媒會見。

15位佳麗分別以紫、黃兩色出現，事前都積極為呢日泳裝登場而備戰準備，其中 9號陳甜甜 同 13號程姜月 身材就特別突出，亦盡吸現場傳媒嘅注意。佢哋就指要繼續為比賽而保持美好身段，亦認為仍可以有更進步嘅空間。

9號陳甜甜 同 13號程姜月 身材就特別突出。

而 14號楊梓瑤 就以178cm身高傲視其他佳麗； 12號鍾翠詩 雖然相對嬌小，不過就因為有選美經驗而最為淡定，但係佢就認為要爭取更多休息令皮膚可以有最佳狀態。而 2號倪樂琳 同樣指瞓返個美容覺可以令自己更進入作戰狀態。被指同大美人 李嘉欣 相似嘅佢，仲話因而感受到唔少壓力咁話。

12號鍾翠詩 雖然相對嬌小，不過就因為有選美經驗而最為淡定，而2號倪樂琳 指瞓返個美容覺令自己更進入作戰狀態。

經過呢日嘅表現，其中 9號陳甜甜 10號吳芷靖 同 11號梁嘉莹 狀態似乎稍為帶出，而佢哋就話會繼續喺呢一個月努力練習，令自己更有信心迎接9月15號舉行嘅決賽。
10號吳芷靖 同 11號梁嘉莹 狀態似乎稍為帶出！