特勤女團｜張曦雯陳瀅羅毓儀組隊 校服誘惑歌舞上陣引人暇想

張曦雯 陳瀅 同 羅毓儀三位美女，加上 關曜儁 同 馬貫東 近日正開拍新劇《特勤女團》，早前佢哋一齊同劇組圍讀劇本做好準備，Kelly飾演Yuki嘅表姐，現實中佢哋可以話得係高矮差一大截，但Yuki企喺Kelly身邊反而好有安全感，喺劇中佢哋要特登製造一個高矮萌嘅感覺，而且性格仲有好大反差。

Kelly同Yuki喺劇中扮演一對表姐妹

而Yuki就飾演一名警察，性格屬E型人格，即使見到3年冇見嘅朋友都會好主動熱情，為迎合角色好多誇張演繹。相反Kelly則會較Cool，因為角色富予佢係一位天生聰明，輕易而舉就可以喺查案中揭開謎底。

佢哋再加上陳瀅，將會以臥底身份參選女團

Kelly 、Yuki 同Jeannie 會擔當一個卧底組合，呢個鐵三角除咗會一齊執行任務之外，仲會組隊參選女團，不單會以校服上陣，仲要練歌跳舞，對於Yuki嚟講呢啲都係強項，相反Kelly就覺得有啲大鑊，因為自己冇乜呢方面經驗，Jeannie更加高難度，因為要將武術加入舞步中，所以自己都要努力應戰。

馬貫東新劇就同幾位靚女有唔少同場戲喇

馬貫東同Leo則有大量對手戲，除咗男人兄弟情之外，馬貫東亦同眾多女演員同場，雖然表面睇係艷福無邊，但馬貫東話完全冇感情線，只係合作夥伴，仲笑言收買咗編劇先有咁幸福嘅畫面。Leo就會做反派，仲要係追星一族，出演瘋狂粉絲。

關曜儁亦都有份演出新劇