法證先鋒VI｜黃宗澤不分男女最緊要時尚 與蔣祖曼拍攝採用波式排戲

喺劇集《法證先鋒VI倖存者的救贖》中，飾演余Sir嘅黃宗澤Bosco同飾演娜娜嘅蔣祖曼Joman係隔離鄰舍，由貼錯門神開始有一啲奇妙嘅進展，近日劇情講到Joman喺屋企樓下跑步險被高空墮下嘅鋁窗波及，Bocso見狀陪伴Joman返家安頓。

Bosco同Joman嘅感情微妙，呢日監製仲爆Bosco獨特愛好

喺屋企拍攝呢個場口時，Joman正準備著上一件啡色型格長身外套，總監製鍾澍佳早已洞悉平日對衣著打扮好有講究嘅Bocso對件衫好有興趣，就直指主要阿波好想著呢件女裝，Bocso秒回成日都著女裝架啦﹗果然除咗廚男之外仲係時尚達人呀。而喺拍攝期間Bocso仲有好波式排戲，場面搞笑，不過想知Bocso同Joman嘅發展就要留意返劇情。