賈靜雯爆細囡極度貪靚 送兩女兒遊學不捨大喊

台灣女星賈靜雯日前出席一個品牌活動，分享護膚心得。靜雯透露。三名女兒之中，最貪靚嘅就係細囡波妞，波妞唔只搽保養品嘅手法都有板有眼，更會叫二家姐咘咘幫佢化時下流行嘅曬傷妝，仲會因為見到靜雯身邊工作人員做咗美甲而要求做埋一份。不過靜雯就當然Say No，但就被波妞嘅搞到好無奈喇。 

賈靜雯自爆因為兩女遊學而不捨爆喊

雖然咘咘、波妞兩姊妹人仔細細，但靜雯同老公修杰楷早前就做咗個大膽嘗試，放手俾兩姊妹參加16日遊學團，學習冇父母喺身邊，要相親相愛。兩姊妹唔捨得同屋企人分開而爆喊好正常，但靜雯喊得更誇張，更一度想叫大女梧桐妹飛去當地陪兩個妹。

佢又指幼女波妞非常貪靚
好在遊學團老師叫靜雯冷靜，仲話就算梧桐妹飛過去都冇辦法接觸到遊學團嘅活動，令靜雯亦自嘲自己有啲離譜。下個月7號就係靜雯50歲生日大日子，踏入轉字頭嘅一年，靜雯自言心態上冇太大變化。而佢亦希望可以喺未來更多玩樂機會，挑戰自己。