吳君如自爆試過偷睇阿女手機 計劃搵張錦程拍賀歲片再續前緣

吳君如喺中秋假期出動為新戲謝票，聯同演員張錦程、陳昭煊及何求等到戲院同觀眾互動，君如老公陳可辛亦有陪同現身，君如喺戲中飾演一位女強人因玩交友網站而墮入騙局，佢話唔少觀眾睇完都覺得好有共鳴。

吳君如聯同張錦程、陳昭煊及何求等到戲院謝票。

陳可辛都有現身。

身為媽媽嘅君如亦擔心阿女Jillian嘅交友情況，自爆曾試過偷睇阿女手機，但係阿女大個就唔畀睇，君如反而對老公好寬鬆，從未唔睇老公手機。
君如自爆曾試過偷睇阿女手機。
今次錦程同君如演一對協議離婚嘅夫妻，雖然二人只有一場對手戲，不過佢哋已好有火花，君如嚟緊計劃拍一套賀歲片就想邀錦程再續前緣，一齊演喜劇開心啲！
今次錦程同君如演一對協議離婚嘅夫妻。