《九龍城寨之圍城》代表香港提名 角逐第97屆奧斯卡「 最佳國際劇情片」

「香港電影製片家協會」按照「美國電影學院」角逐「奧斯卡最佳國際劇情片」之選片準則，決定推薦古天樂、林峯、劉俊謙及伍允龍等主演嘅電影《九龍城寨之圍城》，代表香港角逐「第 97 屆奧斯卡金像獎 最佳國際劇情片」，導演鄭保瑞及多位主演收到好消息表示歡迎，感到好開心、好榮幸！

電影《九龍城寨之圍城》代表香港提名角逐「第 97 屆奧斯卡金像獎 最佳國際劇情片」。
古天樂覺得好榮幸，第一次憑香港電影入圍奧斯卡，將香港嘅武術同情懷帶去全世界，讓更多人了解香港電影，同時間帶領新一代演員邁向國際，而林峯就多謝各界對《城寨》嘅欣賞，呢齣電影係整個團隊嘅努力。

伍允龍指第一個反應好驚喜同興奮，非常感謝《九龍城寨之圍城》團隊嘅付出。
伍允龍指第一個反應好驚喜同興奮，估唔到自己喺美國睇香港功夫片長大，兜返一個圈，估唔到自己有份參演嘅香港功夫電影會喺奧斯卡出現，非常感謝《九龍城寨之圍城》團隊嘅付出。

導演鄭保瑞及多位主演收到好消息表示歡迎，感到好開心、好榮幸！