鵬哥盧海鵬見吳君如即揮手嗌靚女 Mary姐江欣燕羅蘭姐「突襲」捧場撐好友新戲

吳君如同張天賦（MC）主演嘅網上情騙電影《我談的那場戀愛》上映以嚟廣受好評，君如演技發揮亦相當細膩。噚日君如再次去戲院謝票，點知一班圈中前輩及好友「突襲」送大驚喜，鵬哥盧海鵬、Mary姐韓馬利、羅蘭姐、江欣燕及譚玉瑛等買飛入場支持君如套新戲。

鵬哥盧海鵬入場支持君如新戲。
君如笑指一出𨋢就見到一大班咁熟悉嘅人，令君如頓時覺得好感動，鵬哥坐喺梳化休息，與張錦程傾住偈等入場，鵬哥見到君如仲揮手嗌靚女，君如忍唔住開心尖叫，完全感受到現場氣氛相當既熱鬧又充滿愛！君如亦喺IG留言：「多謝咁多friend，今晚畀你哋氹到入呢個騙局，一齊睇呢套新戲係我嘅榮幸。」

吳君如同江欣燕一向好老友！

羅蘭姐亦買飛入場支持君如套新戲。