鄔友正爆老婆「好貪錢」 後發文道歉 認翁嘉穗匿埋喺房：唔啋我啫

經營床褥生意嘅鄔友正與1997年港姐冠軍翁嘉穗結婚25年，二人育有兩子鄔謨雲（Jason）及鄔謨風（Kaspar），鄔友正最近開社交平台帳戶不時跟網民chitchat互動，由於其幽默又暢所欲言嘅行文風格，收穫不少網民變成佢嘅知音人，跟住就有傳鄔友正發文激嬲老婆翁嘉穗要宣布「封筆」，鄔友正於10月1號先同老婆一齊睇國慶煙花，之但係鄔友正好快又喺社交平台「復出」，噚日發文《人各有志：猛虎與羔羊！》為題，稱老婆翁嘉穗「好貪錢」！

經營床褥生意嘅鄔友正與1997年港姐冠軍翁嘉穗結婚25年，鄔友正最近開社交平台帳戶不時跟網民chitchat互動。
鄔友正指自己係獨行俠，喺外面冇乜朋友，提到與太太翁嘉穗嘅相似之處，「就係我同佢都好貪錢！佢貪錢可以買包包同靚衫；我貪錢可以同公司再創高峰和旅遊及享受美食」，同時亦有讚翁嘉穗，「我太太最大一個優點，就係唔管我，給我自由，我可以做自己喜歡的事情，無拘無束地發展我的事業，可能這也是我成功因素之一」。

鄔友正噚日發文《人各有志：猛虎與羔羊！》為題，稱老婆翁嘉穗「好貪錢」！
鄔友正爆老婆翁嘉穗「好貪錢」 後發，又再次發文道歉「太太受傷害了，我錯了！曾經擁有，夠了！」，佢承認開社交平台後，沉迷喺裏面，無所顧忌，暢所欲言，可惜公共平台同私下聊天完全係兩回事，佢強調唔會離開呢個社交平台，「以後只有隨波逐流，講吓美食，講吓旅遊樂趣，講吓公司產品，這樣就一定唔會傷到人」。

鄔友正於10月1號先同老婆一齊睇國慶煙花。
鄔友正亦有細心地逐一回覆網民，當有網民問：「佢真係鬧你啊?OMG!!!」鄔友正解釋：「佢冇鬧，唔啋我啫！匿埋喺房度！」另有網民提議鄔生不如整個自家品牌高端包包，鄔友正坦言：「無！人哋鍾意Ｈ同Ｃ字頭！」

鄔友正自爆發文後，老婆並冇鬧，只係唔啋佢，匿埋喺房度！