有片！娘家遺產爭奪案 官恩娜到訪蒙古 被當地巫師勾起心事爆喊

官恩娜（Ella）娘家近日展開遺產爭奪案審訊，Ella日前暫時放下一對寶貝仔女，遠赴蒙古一趟，而此行嘅目的係拜訪一位蒙古巫師。Ella喺社交平台分享此行短片，佢話當初係懷着半信半疑嘅心情去到， 亦都冇乜嘢需要搵巫師解決，只係好奇想知道咁出名嘅蒙古薩滿巫師到底係乜嘢一回事。

官恩娜娘家近日展開遺產爭奪案審訊，佢遠赴蒙古一趟，而此行嘅目的係拜訪一位蒙古巫師。
Ella抵達蒙古再轉乘古普車去到巫師嘅蒙古包，佢先參觀蒙古包再拜會巫師，Ella話「真係估唔到佢一開口就問咗個咁樣嘅問題， 我唔方便喺度講佢到底問咗我乜嘢，盡量忍住啲眼淚，但太大衝擊最後都係喊咗出嚟！我諗喊嘅原因係因為突然有人提起一件心事，令我諗返起好多嘢。其實佢冇就住事件作出任何建議，我諗我只係嚇親。」

Ella抵達蒙古再轉乘古普車去到巫師嘅蒙古包，佢先參觀蒙古包再拜會巫師。
呢次拜訪巫師經歷令Ella有好獨特體驗，佢亦有向身邊朋友提及，有人同佢講巫師可能識得心理學，又或者只係巧合。Ella強調大家不要迷信，佢話「無論如何，唔希望大家過分迷信！我只係想同大家分享今次嘅經歷」。佢亦講解薩滿小知識給大家知「乜嘢係薩滿(Shaman)? 喺薩滿信仰中嘅薩滿被認為是掌握神秘知識，有能力進入『人神』狀態嘅人，有預言、治療，與屬靈世界溝通，以及旅行到屬靈世界的能力。」

呢次拜訪巫師經歷令Ella有好獨特體驗，官恩娜獲贈一個平安符。