馮允謙自爆因衛蘭入行做歌手 兩人閱讀火星文成共通點

馮允謙（Jay Fung）紅館個唱先後吸引多位圈中好友捧場，之前鄭伊健、吳浩康等都係座上客，屋企人同未婚妻都有現身支持。嚟到第二場吸引陳健安、盧慧敏、雲浩影、岑寧兒、陳詠謙、AGA等捧場。

馮允謙紅館個唱先後吸引多位圈中好友捧場。
鄭伊健都係座上客！

表演嘉賓衛蘭（Janice）出場時全場歡呼，兩人合唱英文歌《Like I'm gonna to Lose You》，幾年前因被Janice歌聲迷住，決定入行做歌手，呢晚兩人終於可以喺紅館合唱，夢想成真。Jay仲話：「Janice對我嘅音樂路向好重要，因為入行前我喺加拿大，睇電視見到一個女仔喺遊戲節目裏面唱歌。嘩﹗呢個女仔唱歌咁好聽嘅，後來知道佢好似我咁鍾意R&B，又好似我咁睇中文要睇拼音，我叫『火星文』，當時希望有一日可以同呢個女仔同台唱歌。」之後Jay成為歌手，3年前佢哋終於合體，喺九展舉行咗兩場音樂會。

表演嘉賓衛蘭出場時全場歡呼，兩人合唱英文歌《Like I
今次係Jay第二個夢想成真，Janice好感動同Jay講：「I’m so proud of you！我覺得你嘅聲音喺呢行係好獨特。No one can sing like you！」兩位靚聲之人獲得全場掌聲歡呼。

Jay麒麟臂又同Dancer跳辣身舞，令全場升溫。
Jay繼續騷麒麟臂又同Dancer跳辣身舞，令全場升溫，呢晚更換上新歌衫，Jay著上西裝同星級和音團隊合唱《冬日寂寞考》，大展唱功後到台邊飲水抹汗，令觀眾尖叫，之後佢又換上一身白色長褸獻唱《收到收到》、《愛斯基摩人之吻》及《給你幸福所以幸福》等冧歌，至演唱會尾聲Jay不捨歌迷兩度encore作結尾。