溫碧霞下月展開首次內地巡唱 預告才華靚仔男神擔任嘉賓

溫碧霞以白色長裙仙氣造型現身廣州，宣布將於11月初展開首次內地巡迴演唱會，第二站將於佛山跟歌迷倒數迎接2025年。演唱會發佈會上，司儀先與「AI 坦己」互動，AI 坦己介紹演唱會內容，今次製作團隊喺美術方面落足功夫，將運用花、雪、海、火，再結合歌曲意境，打造極具穿越感嘅視聽盛宴。

溫碧霞下月將首次於內地展開巡迴演唱會
對於首次喺內地舉行演唱會，Irene 希望能夠盡自己百倍的努力，從選歌、錄歌、排練再到宣傳，每個環節都力求做到盡善盡美，回饋支持佢多年嘅影迷同歌迷朋友，亦希望用自己嘅表現同心態，感染到大家一起為咗美好生活努力，Irene話:「呢次演唱會無論服裝、化妝、舞台、舞蹈、美術設計方面，都融入時尚元素，包括會有變裝騷、T 台騷、結合歌曲美輪美奐嘅舞美視頻，都能讓大家耳目一新，沉浸喺火玫瑰嘅世界裡，一起穿越前世、今生和來世!」
今次演唱會仲話會加入AI元素

有指今次演唱會請嚟一位男神嘉賓？Irene 大賣關子:「暫時先保密，不過說出來大家肯定都認識佢，佢同我一樣係演員，亦係一位十分努力嘅歌手，有顏值，亦有才華。演唱會上我哋仲會為大家呈現合作舞台，大家想知道係邊位，一定要嚟演唱會現場。」

Irene仲話將會邀請一位型男擔任嘉賓，但係就大賣關子喎