陳曉華解釋秒認朱敏瀚做老公之謎 郭柏姸親解急刪出浴照原因

陳曉華（Hera）同朱敏瀚早前爆出緋聞，仲指佢哋年底拉埋天窗，消息傳出後，兩人大方承認了解當中。日前播出嘅《大師兄開心嘩鬼感謝祭》節目中，Hera玩遊戲時一時口快快，自爆朱敏瀚係老公，似乎婚訊並非空穴來風。

陳曉華呢日同郭柏姸一齊出席活動。

Hera同郭柏姸（Rosita）出席活動時，就澄清秒認老公呢件事，佢話當時聽唔到老公兩個字，又話自己年尾好多工作，絕對唔會結婚，仲話可能連下年都未必有時間結婚。Hera自言以事業為先，嚟緊會接拍好多劇集，冇諗過結婚一事。

陳曉華早前喺節目口快快公開認朱敏瀚做老公。

呢日陳曉華就解釋返原因。朱敏瀚
Rosita日前去日本遊行，仲喺社交平台分享性感出浴相，不過事後又刪走靚相，佢就解釋係排版問題，兼且相片偏暗，有別於佢平時陽光為主相片，佢話稍後會再分享靚相。
郭柏妍解釋返點解會刪除溫泉照。