與黃子恆應邀參與名人網球賽 洪永城回應翠如有喜：等佢自己講

洪永城 同 黃子恆 呢日應邀參加一個名人網球賽，原來Hugo唔止平時有打波，仲一直都有參加業餘比賽，而Tony兒時夢想仲係成為一名職業網球運動員。今次有得喺維園網球場主場館同其他高手競技，難怪佢哋咁興奮啦。

洪永城同黃子恆呢日應邀參與網球名人賽
子恆同內地球手 崔傑 對戰，仲獲家人現場支持，而Tony就同女子球手 韋思佳 合作出戰混雙，太太 梁諾妍 亦帶埋囡囡現場為佢打氣，仲一早練定波威比阿女睇呀。
業餘選手子恆平時都有參與唔同比賽

佢哋仲為呢次中國網球巡迴賽再喺香港舉行而落足力宣傳，叫大家今個星期都可以隨時留意住相關消息，因為有逾150位球員會喺香港參賽，世界排名曾至第2位嘅張帥亦都會現場獻技呀。
Tony就同韋思佳合作混雙比賽

至於近日瘋傳 黃翠如 有喜嘅消息，雖然當事人一直未有回應，不過份屬老友嘅Tony，呢日亦被問到呢件事，仲指「等佢自己講」，又強調翠如心情各方面都ok，仲話如果係真的話屋企有唔少物資可以俾佢用呀。

黃翠如近日一直被傳有孕，呢日老友Tony亦有回應