鍾嘉欣赴佛山開騷前享親子樂帶子女去阿拉斯加睇野生動物

鍾嘉欣（Linda）11月尾會去內地嘅佛山舉行三場演唱會，開騷前佢把握時間享受親子樂，帶咗大女Kelly同二仔Jared，去咗美國嘅阿拉斯加玩，同小朋友去睇野生海洋動物。

鍾嘉欣開騷前把握時間享受親子樂，帶咗大女Kelly同二仔Jared去咗美國嘅阿拉斯加玩。
見到嘉欣上載嘅靚相，一對子女著羽絨戴冷帽，相信當地天氣係幾凍，嘉欣同小朋友笑容燦爛，呢趟旅程玩得好開心，嘉欣以英文留言Happiness is when I’m with you. (和你(們)在一起就是快樂)。

眾人喺呢趟旅程玩得非常開心！
嘉欣有分享旅程中見到嘅動物，包括聯群結隊嘅好可愛海獺(Sea Otta)、虎鯨同白頭鷹嘅相片，估計帶小朋友參加當地著名嘅觀賞海洋野生動物嘅郵輪之旅，可以近距離睇當地獨有嘅野生動物。

見到聯群結隊嘅好可愛海獺，在海面時，幾乎一直在整理毛皮，保持其清潔與防水性。白頭鷹生活在北美各地，包括加拿大、阿拉斯加和墨西哥。越往北走，白頭鷹就越大。遷徙型虎鯨主要為肉食性，海洋哺乳類是虎鯨最喜愛的食物之一。
唔少網友留言話小朋友唔只遺傳嘉欣同款甜美笑容之外，仲讚大女Kelly越大越似媽咪好靚女。有內地網民希望嘉欣去更大嘅場館開演唱會。