獨家丨鍾鎮濤為《與天地對話》題字以墨寶向粉絲報平安

將會喺11月18號首播嘅台慶節目《與天地對話》，除咗邀請咗姜皓文、余文樂、蔡思貝同林盛斌出發世界各地之外，亦特別邀請到熱愛書法嘅鍾鎮濤為節目題字，B哥哥都話節目組揾啱人，佢仲話社會生活緊張，推出呢類型節目係好適合，所以佢一定會大力支持，B哥哥仲話自己平時寫書法，多數會去錄音室慢慢享受寫書法嘅樂趣。
鍾鎭濤為台慶節目《與天地對話》題字。B哥哥以墨寶報平安。
講到早前B哥哥同温拿幾位兄弟，一齊去廣州開騷，點知意外滑倒兩次，搞到粉絲都不知幾擔心，不過B哥哥就話只係小意外，無咩大礙，不過都睇咗幾次醫生，為咗答謝粉絲嘅關心，佢仲即興題咗「平安無事就是精彩瞬間」幾隻字，向大家報平安呀。
余文樂早前為《與天地對話》到外地拍攝。