梁詠琪拍賀歲喜劇集訓苦練泰拳 周秀娜踢沙包踢致腳瘀

2025農曆新年賀歲電影《臨時決鬥》由古天樂、梁詠琪（GiGi）、王丹妮、周秀娜（娜姐）、伍允龍、楊詩敏（蝦頭）及陳楨怡等演出，多位女主角喺較早時間接受集訓，鍛練泰拳應付拳拳到肉，GiGi從未接觸拳擊運動的梁詠琪，亦首次戴上拳套學習泰拳。

GiGi從未接觸拳擊運動的梁詠琪，亦首次戴上拳套學習泰拳。

GiGi今次為新戲學打拳，對呢位初學者嚟講確係有啲唔慣，要打人又要俾人打，仲要適應節奏，整個學習過程都幾攰。GiGi笑言參與咗速成班，今次其實俾人打多，要練習點樣俾人打，盡量令自己唔好受傷，萬一生活上遇到色狼都識得保護自己。 

娜姐預早用1個月時間訓練，又去睇泰拳比賽。

娜姐本身有學kick boxing，今次拍攝初接觸泰拳，預早用1個月時間訓練，又去睇泰拳比賽，因為娜姐要演拳王角色，姿勢、感覺要好似。娜姐仲因踢沙包踢致腳瘀，又練到腳抽筋，開工前要練好下盤，娜姐笑指想演蝦頭個角色，蝦頭就話：「其實我ok，係其他人唔制之嘛﹗哈哈﹗」 蝦頭喺5、6年前有接觸過拳擊，呢次教練為協助佢鍛練，更喺其腳上綁鐵餅，等蝦頭練習肌肉，蝦頭覺得學習過程好有趣，而王丹妮接受密集訓練喺體能上明顯進步。

蝦頭喺5、6年前有接觸過拳擊，呢次教練為協助佢鍛練，更喺其腳上綁鐵餅。