李昇基宣傳新片直接與外家割蓆 宋承憲減肥騷肌節食難過狂操

李昇基 時隔6年之後重返大銀幕，同 姜漢娜 等合作演出新片，不過焦點就似乎集中喺佢外父嘅造市新聞，而佢就直接回應指希望同老婆外家畫清界線，仲話婚後同太太都已從自己嘅屋企中獨立成家，所以希望唔再提及呢啲話題咁話喇。

李昇基婚後是非不斷，近日宣傳新片就同太太外家劃清界線
而另一型男 宋承憲 亦再次拍攝19禁新片，呢日佢同一眾拍檔一齊參與試映會宣傳，仲提到片中嘅不倫戀發展，仲為劇情要騷肌而節食，扮演指揮家嘅佢仲話如果要強勁肌肉反而更容易，所以今次要瘦而唔需要太多肌肉就令佢覺得非常困難喇。

宋承憲嘅19禁新片舉行試映，佢被要求節食就話慘過要操肌喇