熊黛林家中離奇拗柴獲老公抱去求醫 無奈留家慶祝結婚八周年

Lynn熊黛林早前出席一個運動用品展，好難得見到佢捨棄最愛嘅高踭鞋，著住波鞋現身，除咗配合運動主題，最主要嘅原因係因為佢整親隻腳，而且仲係一個月內拗柴兩次，第一次仲係喺佢8周年結結紀念當日發生。

熊黛琳呢日現身一個運動用品展，爆出結婚周年嘅蝦碌事件
Lynn話當時心急出去食飯，好似平時一樣行，但就無預警地喺屋企拗柴﹐仲痛到不能動彈幾分鐘，好在有老公在身邊，Lynn透露老公郭可頌好Man咁施展公主抱帶佢睇醫生，連弄傷手都唔敢話佢知。
美腿腫到變豬腳，認真陰公

後來Lynn拗傷數日後返內地工作，以為腳傷好返嘅佢反而比街上嘅一粒小石令佢失平衡再度拗柴，結果回港孖住手受傷嘅老公拍住拖去看醫生。雖然結婚周年出外食好西嘅慶祝計劃不似預期中美滿，但係聽到Lynn口述老公英雄救美一幕，相信佢都甜在心頭。