兩大韓星化身驅魔神父風格大不同 金南佶演出狂爆肚場面常失控

驅魔神父呢個角色經常被韓國嘅電影同電視劇用嚟做題材，其中由金南佶演嘅神棍版神父劇集，事隔5年播出第2季，金南佶、李荷妮、金成均呢個鐵三角組合聯同盛俊、BIBI金亨瑞等一齊出現發布會。喺新一季中飾演神父嘅金南佶由首爾打到釜山，同幾位拍檔發放笑彈，亦有唔同花神嘅動作場面。

金南佶主演嘅搞笑新劇推出新一季
而李荷妮好開心同一班好拍檔再合作，不過對金南佶長期爆肚嘅演出有啲微言，佢仲大爆喺其中一場船上嘅混戰戲，因為金南佶不斷加對白，場面超失控。金南佶呢部劇集雖然都有驅魔情節，但係喜劇感覺呈現出嚟。
今次佢將會繼續驅魔，仲由首爾一直殺到釜山

另一部由青龍影帝朴新陽、實力派男演員李民基攜手合作講驅魔嘅新戲，就走驚慄路線，因為由大熱驚慄電影《破墓》團隊打造，所以上映前已大受恐怖片迷關注，呢日兩人孖李蕊同導演等出席記招。
另一部題材相似但驚慄路線嘅新作同樣宣傳，李民基將擔綱演出

兩位主角都係首度挑戰恐怖片，戲中飾演驅魔神父嘅李民基，被問到近年唔少演員好似車銀優、朴敘俊等都演過同類角色,，佢就唔擔任被比較﹐反而喺應付拉丁語對白時令佢一度懷疑人生，更形容似硬背一堆數字一對，中途換咗拉丁語老師，更令佢感覺更崩潰。