蕭正楠談黃翠如陀B易餓要少食多餐 關嘉敏靠扮嘢擺脫Cool爆形象

蕭正楠（Edwin）、關嘉敏（Carman）日前現身深圳為一間餐廳擔任開幕嘉賓。近日宣布同太太黃翠如造人成功嘅Edwin真係人逢喜事精神爽，呢日得到品牌送出「食足一世，永遠免費」驚喜禮物，令Edwin非常高興。

蕭正楠同關嘉敏日前現身深圳為一間餐廳擔任開幕嘉賓。
一身好廚藝嘅Edwin喺兩、三年前曾經開過漢堡包店，最後因工作困身未能親身經營店舖，就冇繼續再做落去。至於未來會唔會考慮同翠如一齊開舖，Edwin就話要自己打本，自己睇舖頭。 講到翠如呢排陀B情況，Edwin就話翠如最近身體越嚟越好，亦越嚟越開心，冇懷孕嘅負面影響。而食量方面，翠如近日就少食多餐，唔可以一次過食太多，可能大約半小時就會肚餓。

翠如近日就少食多餐，唔可以一次過食太多，可能大約半小時就會肚餓。

雖然Edwin工作忙碌，但翠如都可以理解，Edwin話會盡量分配時間工作，另外抽時間陪老婆。Edwin又笑言BB旺爸爸媽媽，會更加努力搵奶粉錢畀BB。 

雖然Edwin工作忙碌，但翠如都可以理解，Edwin話會盡量分配時間工作，另外抽時間陪老婆。

Carman日前喺《萬千星輝賀台慶》再次化身「痰輝智」同譚輝智合體跳《屈到病》，登熱搜榜第一。原來輝智為咗同Carman合作而特登幾日唔食嘢，希望同Carman更似樣。關於「扮嘢」方面，Carman認為自己開拓出一條新路，由於自己天生樣子比較cool，經過今次「扮嘢」之後更提升親民感覺。面對工作日漸忙碌，Carman自言自己仍然有好大進步空間，希望有更多工作；Carman透露之後會出個人單曲，包括跳唱及慢歌。關於頒獎禮方面，表示有提名入圍已非常開心。

Carman認為自己開拓出一條新路，由於自己天生樣子比較cool，經過今次「扮嘢」之後更提升親民感覺。

Carman日前喺《萬千星輝賀台慶》再次化身「痰輝智」同譚輝智合體跳《屈到病》，登熱搜榜第一。