StarTalk一氣呵成版｜女團MISSY陳芊芸解釋經常改名因由 陳俞霏被思彤爆跳舞大躍進

五位《中年好聲音2》嘅美女唱將林思彤、王玥、陳俞霏、陳芊芸同陳譽文，日前以女團MISSY正式出道，佢哋嚟緊仲會一齊開Show添，呢日佢哋上嚟《StarTalk》接受主持 許文軒 訪問時，就笑談佢哋成員經常改名嘅事，尤其係陳蒨葶，原名係叫陳慧婷，而家又改名為陳芊芸、加上YT、Sammi呢啲英文名，一個人就有好多個名，陳芊芸就解釋初初自己都有啲糾結，但後來諗下改名除咗想有一個更好嘅名之外，亦代表住佢嘅新開始。不過，成日改名就搞到隊友陳俞霏經常記錯亂叫拍檔嘅名，認真搞笑。

女團MISSY

嚟緊佢哋五女將會一齊舉行演唱會，佢哋都覺得有啲難以置信，呢次嘅演唱會有唔同嘅主題，希望大家睇到比賽以外，不一樣嘅佢哋，而俞霏都希望佢哋呢個女團可以做到團結、勤力、思彤仲大爆一向唔擅長跳舞嘅俞霏，而家久經訓練後都有好大進步，仲進化到識得幫大家排舞添。

陳芊芸解釋成日改名嘅原因。