破．地獄｜導演Michelle飛赴台北宣傳 盼與子華Michael再臨謝票

熱播電影《破．地獄》除咗榮登香港票房之冠，喺海外各地公映都有唔錯成績，日前 衛詩雅 就同導演 陳茂賢 去到台北繼續宣傳，導演仲話如果成績突出的話，會邀請兩位男主角 黃子華 同 許冠文 再訪當地直接同觀眾見面呀。

Michelle同導演近日到台灣為新片宣傳
Michelle就指同台北影迷見面非常開心，亦非常感受到大家嘅熱情，仲話世界各地嘅觀眾都明白電影中表達嘅意思，令佢更加高興。至於一直有指電影有望入圍唔同獎項，導演就話希望明年再喺金馬獎紅地氈同大家見面咁話。
Michelle大讚當地影迷非常熱情

有圈中「考牌王」之稱嘅Michelle，又指拍攝前特別為扮演救護員嘅角色操練體能，仲提到全港只得5位女性救護員，所以催谷自己體能要睇齊，仲邊操邊背經文。
導演就話希望可以同兩位男主角再到唔同地方謝票

除咗體力同記性之外，拍攝時Michelle嘅角色亦要面對眾多情緒沉重嘅情節，仲令同片參演嘅 梁雍婷 非常擔心，可能自己仲未完全抽離呀。

Michelle仲話早前被梁雍婷指佢未抽離情緒沉重嘅角色