黃奕斌踏入25歲與Fans同慶祝 老友火雞Sean現身祝賀兄弟

除咗高Ling之外，《聲夢》成員 黃奕斌 亦同樣係1月13日出世嘅牧羊座朋友，日前Hugo就同好友孫漢霖、文佐匡仲有大班Fans預先慶祝，迎接25歲生日喇。Hugo一聽到大家為佢唱生日歌，仲開心到即場起舞，而火雞同Sean亦為老友表演。

Hugo提早慶祝生日，火雞同Sean亦都有現身Party
Hugo呢日亦有為現場Fans表演，仲有幸運兒被抽中可以坐喺佢身邊近距離欣賞，真係恨死人呀。其實Hugo亦都一早為大家預備小禮物，即場打印相片再為大家親筆簽名，送贈俾大家留念喇。
佢又安排為Fans即場印相，更親筆簽名同逐一留言

Hugo又提到對一直支持自己嘅大家覺得非常感恩，認為愛護自己並非必然嘅事，所以佢就希望新一年可以新作品回饋大家，仲許願今年有機會拍劇咁話。
日前佢貪玩將一個鎖匙扣戴上耳仔，不過就幾乎樂極生悲幾乎除唔返落嚟，最後要家人幫忙先夾硬除得返出嚟，認真驚險呀。

之前多手玩匙扣爭啲出事嘅佢，講明下次唔敢喇