袁詠儀16年後回巢惡鬥江美儀 張智霖孖吳卓羲上演兄弟爭女

袁詠儀久未喺TVB拍劇，日前喺內地被路人偶遇為新劇《模仿人生》進行拍攝，呢次更係靚靚繼《富貴門》後，相隔16年再拍TVB劇！《模仿人生》故事圍繞被女主角因胞姐虧空公款而坐冤獄，更幾乎喪命，及後得商業間諜特務中心首領相救，將佢訓練成外熱內冷間諜嘅故事。

袁詠儀日前喺內地被路人偶遇為新劇《模仿人生》進行拍攝。
有指靚靚所接嘅角色就係特務首領一角，佢喺劇中更會同江美儀、關禮傑有多場惡鬥對手戲。呢套劇嘅演員陣容非常強大，除咗有靚靚同江美儀呢個影后同視后組合坐鎮，仲有張曦雯、張振朗、羅子溢等好戲之人演出！

靚靚所接嘅角色就係特務首領一角，佢喺劇中更會同江美儀、關禮傑有多場惡鬥對手戲。

袁詠儀繼《富貴門》後，相隔16年再拍TVB劇，而張智霖有傳將會接拍TVB新劇《璀璨之城》。

而靚靚老公張智霖（Chilam）就有傳將會接拍TVB新劇《璀璨之城》，夥拍吳卓羲（Ron）做富二代兄弟，劇情講述Chilam娶咗阿Ron前女友，兩兄弟更上演兄弟爭女場面，網上有傳兩大女主角會由林夏薇、龔嘉欣擔任，有指演員陣容已大洗牌，所以女主角人選可能存在變數。
張智霖夥拍吳卓羲喺新劇做富二代兄弟。