痞子無間道丨朱敏瀚操弗身形上擂台 周嘉洛呻拍打戲冇得剝衫騷肌

TVB喜劇《痞子無間道》周嘉洛同朱敏瀚嘅合作無間，劇中爆笑位火花不斷，而其中一幕講到陳瀅想睇拳賽，兩位無啦啦被臨時拉上陣對疊，事前佢哋仲想夾埋扮打，點知嘉洛錯手扯斷朱仔頸帶而演變成真打，結果兩敗俱傷。

TVB喜劇《痞子無間道》周嘉洛同朱敏瀚嘅合作無間，劇中爆笑位火花不斷。
見到嘉洛身形明顯大隻咗，佢就解釋只係食多咗肥咗，佢話事前同朱仔有為擂台戲份而操練，但朱仔話重點係開拍時竟然唔使剝衫，令佢哋事前功夫白廢。

嘉洛身形明顯大隻咗，佢就解釋只係食多咗肥咗。
劇中呢一幕擂台戲，其實係嘉洛要求加拍，因為佢好想試吓喺擂台打拳嘅感覺，佢仲笑言自己坐唔定，完全係屬於武打演員嘅底子，連朱仔都話每逢有武指喺現場，嘉洛都特別興奮同投入。

朱仔就話重點係開拍時竟然唔使剝衫，令佢哋事前功夫白廢。