吳業坤驚喜現身新人婚宴唱冧歌 情人節簡單度過被坤嫂投訴未夠好

吳業坤（坤哥）呢晚以神秘嘉賓身份亮相一對新人嘅婚宴，新娘子見坤哥現身亦大為感動，而坤哥就深情獻唱新歌《愛情求生案內書》祝福一對新人，聽得觀眾如癡如醉。

坤哥日前突擊現身婚宴獻唱，為一對新人送上祝福
坤哥坦言呢首新歌係第一次唱live，難免心情有啲緊張，佢希望大家明白歌詞嘅意思，坤哥笑言坤嫂濱口愛子有聽作品，仲反問點解老公唱冧歌同做嘅嘢差啲，趁機投訴老公未夠浪漫，坤哥話只好不斷求進步。
不過就自爆被太太投訴唔夠浪漫喎

坤哥早前情人節同坤嫂簡單煮飯慶祝，坤嫂本身想出去食飯dating有啲儀式感，但係坤哥話要忙工作，坤嫂就煮咗西班牙海鮮飯，大家喺屋企睇吓電影過咗一晚；坤哥喺家庭事業兩得意，嚟緊仲有開騷計劃，想喺年尾開音樂會同歌迷見面。