王菀之相隔11年再登紅館無懼抱恙 與張敬軒深情合唱事前刻意避見

 王菀之（Ivana）兩場紅館騷圓滿落幕，雖然Ivana身體抱恙，難得相隔11年再登紅館，佢出盡全力完美演出，務求令所有歌迷聽得盡興，Ivana與張敬軒友誼深厚，更稱對方係靈魂伴侶，軒仔連續兩晚擔任嘉賓合唱。

王菀之出道20年嘅紅館紀念騷落幕
Ivana同軒仔有別於第一晚面對面合唱，尾場改為背對背坐，二人唱完一曲後，Ivana更從後擁抱軒仔，而軒仔落台前更抱住Ivana對望，幫Ivana抹眼淚，佢哋深情合唱呢個環節感動到唔少觀眾。
同佢一齊成長嘅軒仔連續兩晚擔任嘉賓

Ivana好感激團隊畀佢嘗試用呢個行為藝術表演，呈現最真實冇綵排過嘅情感，紀錄佢哋20年嘅成長，為咗用最好方式帶出感情，二人約好刻意避見對方、唔好講電話，Ivana喺台上一見到軒仔，諗起過去20年大家各自成夢想努力，面對生活有好多困難要克服，彼此互相支持。
演出之前仲刻意避見唔接觸

Ivana相隔11年再開紅館騷，佢遺憾只有七日時間連綵排、拆台及搭台，由於時間太趕未能加場，佢曾諗過開日場，一來怕大家未起身唔想嚟，二來怕自己未必唱到日夜，Ivana希望之後有機會開Part 2呀！

呢日佢又指時間太倉促，所以希望可以再開Part 2