鄭秀文宣布5月澳門開騷 將加入新元素為觀眾帶驚喜

鄭秀文（Sammi）日前宣布5月中將會喺澳門舉行6場演唱會嘅好消息！消息一出令一眾歌迷好興奮，開始為撲飛做足準備。

Sammi自上年完成大獲好評嘅一連13場巡唱後，一直收到歌迷非常熱烈嘅反應。
Sammi自上年完成大獲好評嘅一連13場巡唱後，一直收到歌迷非常熱烈嘅反應，以及許願可以加開其他地區場次。有見及此，主辦機構決定推出澳門站，令大家可以解癮。已經休息多月嘅 Sammi 同樣期待，更特別拍片向歌迷親自解說澳門場次安排同票務資訊。

鄭秀文日前宣布5月中將會喺澳門舉行6場。演唱會嘅好消息！
至於Sammi會唔會再到更多地區開騷，主辦機構就話Sammi早已安排連串工作，將拍攝電影，所以暫時只確定澳門場次。

鄭秀文特別拍片向歌迷親自解說澳門場次安排同票務資訊。
呢次主辦機構不惜製作成本，將四面舞台搬往澳門，只為呈現出同香港場同樣震撼嘅視覺效果，加上場地全新升級，可以拉近歌迷同Sammi之間距離。以「百變天后」見稱嘅Sammi，今次會喺澳門場延續創意精神，唔只保留各種經典歌曲，更預告會加入新元素，希望為觀眾帶嚟新鮮感。從前衛未來感戰袍到高貴華麗禮服，結合燈光同舞台特效，勢必繼續成為演唱會焦點。

主辦機構就話Sammi早已安排連串工作，將拍攝電影，所以暫時只確定澳門場次。