許冠文衛詩雅再度化身父女檔 合體拍廣告演繹溫情一面

許冠文（Michael）同 衛詩雅（Michelle）喺電影《破．地獄》中嘅父女矛盾同感情，令唔少觀眾睇得非常感觸。近日佢哋再度攜手合作拍手機廣告，繼續延續呢段父女情。 Michael同Michelle喺宣傳片演繹一對相處「口硬心軟」嘅父女，Michael飾演嘅父親不善辭令，一直默默支持同關心愛女，而認為行動比言語更可以表達關心嘅Michelle，亦甚少將愛宣之於口。 

許冠文同衛詩雅於新廣告再續父女緣

故事中嘅Michelle正籌備婚禮，面對即將搬離從小居住嘅屋企，準備同爸爸分開生活，步入人生新階段，喺分開過程中難免會感到不捨，所以兩位都好珍惜相處時光。有一日兩人喺公園閒逛時，Michelle就好調皮咁想影低爸爸鬼馬一面，雖然Michael面有難色，但最後都接受。 

Michelle同Michael喺廣告中再次扮演一對父女

劇情尾聲，眼見囡囡即將出嫁，文哥亦想拍下「細路女」嘅片留低珍貴回憶，可惜天公不造美，遇上落雨天，加上周圍環境又有背景雜音，但好在手機新功能可以除去雜音，令珍貴片段美好留存。
猶如文哥同文玥繼續平靜生活一樣

而面對繁複嘅婚禮流程，細心嘅Michelle就喺電話一一為爸爸講解大日子嘅種種安排，Michael亦聰明利用手機功能，將內容轉成文字摘要，確保婚禮當日妥善無誤，以最佳狀態準備囡囡出嫁。

Michael影低寶貝女出嫁出嘅珍貴影像